Download Gujarati Songs
દુખ વિષય પર એક નિબંધ લખવા બેઠો…
બહુ વિચાર્યુ …ના કાં ઇ સુજ્યુ…
હાય ….રે…નિબંધ…અધુરો રહ્યો..
એક મિત્ર ની સાથે મિત્રતા બાંધી….
હાશ….!!! નિબંધ પુર્ણ થયો…..!!!
– હસમુખ ધરોડ ‘અંકુર’
Filed under: ગુજરાતી શાયરી, હસમુખ ધરોડ 'અંકુર' | Tagged: જીવન...!, દુઃખ, બેવફા, મિત્ર...!!!, મિત્રતા, વાસ્તવિક્તા, DARD, DUKH, gujarati gazal, gujarati shayri, hasmukh_dharod-'ankur', sahitya, shayri | 6 Comments »
પાણીના ટીપે ઘાસમાં જઈએ
ચાલ, કોઈ પ્રવાસમાં જઈએ
પહેલી વર્ષામાં એક થઈને પછી
માટીના ભીના શ્વાસમાં જઈએ.
-શોભિત દેસાઈ
Filed under: ગુજરાતી શાયરી, તુષાર શુક્લ, શોભિત દેસાઈ | Tagged: પાણીના ટીપે ઘાસમાં જ, gujarati shayri, sahitya, shayri, shobit desai, varsadi gujarati poem, varsadi poem, varsadi shayari | 2 Comments »
વિસ્મરણમાં છે ઝૂલવાનો સમય,
સર્વ યાદોને ભૂલવાનો સમય.
ખૂબસૂરત પ્રસવ મરણનો અને
હોવાની કેદ ખૂલવાનો સમય.
– શોભિત દેસાઈ
Filed under: ગુજરાતી શાયરી, શોભિત દેસાઈ | Tagged: સર્વ યાદોને ભૂલવાનો , DARD, DUKH, gujarati shayri, sahitya, shayri, shobit desai | Leave a comment »
જો દરેક સમયે સંબંધમાં
ચોખવટ કરવી પડતી હોય તો
સમજવું કે આપણા સંબંધમાં
કઇ ને કઇ ખોટ રહી ગઇ છે.
-સર્વદમન
Filed under: ગુજરાતી શાયરી, શાયરી | Tagged: જીવન...!, દુઃખ, મિત્રતા, સંબંધ...., હ્રદય, DARD, DUKH, gujarati shayri, sahitya, shayri, survadaman | Leave a comment »
સરોવર શાંત છે તું કેમ છે ઉદાસ ?
વરસાદની છે રાહ ફરફરે છે ઘાસ..
આમ નરી આંખે કંઇ દેખાય ભલે નહીં,
છતાં ખાતરી રાખજે કોઇ છે આસપાસ….
Filed under: ગુજરાતી શાયરી, શાયરી | Tagged: " એનુ નામ પ્રેમ છે ", જીવન...!, તું કેમ છે ઉદાસ ???, દુઃખ, મિત્રતા, યાદ...ફરિયાદ...!!!, સંબંધ...., હ્રદય, DARD, DUKH, gujarati gazal, gujarati shayri, sahitya, shayri, unknown | 2 Comments »
આ યાદ છે આપની કે યાદોમાં આપ છો ?
આ સપના છે આપના કે સપનાઓમાં આપ છો ?
અમે નથી જાણતા અમને બસ એટલું તો કહો,
અમે જાન છીએ આપની કે આપ અમારી જાન છો ? ? ?
Filed under: ગુજરાતી શાયરી, શાયરી | Tagged: " એનુ નામ પ્રેમ છે ", આ યાદ છે આપની કે, દુઃખ, યાદ...ફરિયાદ...!!!, સંબંધ...., હ્રદય, DARD, DUKH, gujarati gazal, gujarati shayri, sahitya, shayri, unknown | 4 Comments »
દીકરો મારો લાડકવાયો દેવ નો દીધેલ છે,
વાયરા જરા ધીરા વાયજો એ નીંદમાં પોઢેલ છે.
દીકરો મારો લાડકવાયો…..
રમશું દડે કાલ સવારે જઇ નદીને તીર,
કાળવી ગાયના દૂધની પછી રાંધશું મીઠી ખીર,
આપવા તને મીઠી મીઠી આંબલી રાખેલ છે.
દીકરો મારો લાડકવાયો…..
કેરીઓ કાચી તોડશું અને ચાખશું મીઠા બોર,
છાંયડા ઓઢી ઝુલશું ઘડી થાશે જ્યાં બપોર,
સીમ વચાળે વડલા ડાળે હીંચકો બાંધેલ છે.
દીકરો મારો લાડકવાયો…..
ફૂલની સુગંધ ફૂલનો પવન ફૂલના જેવું સ્મિત,
લાગણી તારી લાગતી જાણે ગાય છે ફૂલો ગીત,
આમતો તારી આજુબાજુ કાંટા ઊગેલ છે.
દીકરો મારો લાકડવાયો…..
હાલકડોલક થાય છે પાપણ મરક્યા કરે હોઠ,
શમણે આવી વાત કરે છે રાજકુમારી કો’ક,
રમતાં રમતાં હમણાં એણે આંખડી મીંચેલ છે.
દીકરો મારો લાડકવાયો દેવ નો દીધેલ છે,
વાયરા જરા ધીરા વાયજો એ નીંદમાં પોઢેલ છે.
દીકરો મારો લાડકવાયો…..
રચયિતાઃ- કૈલાસ પંડિત
Filed under: કૈલાસ પંડિત, ગુજરાતી શાયરી, હાલરડુ | Tagged: દીકરો મારો લાડકવાયો, halradu, MANHAR UDAS, sahitya | 20 Comments »
પ્રેમ ની લગણી ક્યારેય
નથી મારતી પણ
પ્રેમ ની અપેક્ષાઓ
જરૂર મરી નાખે છે.
-સર્વદમન
Filed under: ગુજરાતી શાયરી | Tagged: " એનુ નામ પ્રેમ છે ", gujarati shayri, shayri, survadaman | 10 Comments »
ઝાંઝરીની જેમ ઝણઝણવાનું મન થઇ જાય છે,
પગની સાથે ગીત ગણગણવાનું મન થઇ જાય છે.
કંઇક નદીઓને સમંદરમાં વહેતી જોઇને,
આભમાં વદળાઓને ઝરમરવાનું મન થઇ જાય છે.
કોઇ મારી પાસે આવીને પૂછે કે કેમ છો ?
છું જ નહીં કહીને જ અવગણવાનું મન થઇ જાય છે.
આપણે સાથે નથી એવો સમય વિતાવવા
વ્રુક્ષોના પર્ણો બધા ગણવાનું મન થઇ જાય છે.
જે જગ્યાએ હોઇએ હું ને તમે બે સાથમાં
ચારે બાજુએ ભીંતો ચણવાનું મન થઇ જાય છે.
– ભરત વિંઝુડા
જેવી રીતે કાવ્યમાં ગૂંથાઈ જઈએ પ્રાસમાં,
એવી રીતે રાસમાં રમવાનું મન થઇ જાય છે !
એનું અજવાળું થયેલું હોય છે નવરાતમાં
સૌને દિવો થઇને ઝળહળવાનું મન થઇ જાય છે !
Filed under: ગઝલ, ગુજરાતી શાયરી, ભરત વિંઝુડા, સ્વરાંકન | Tagged: અવગણવાનું, એક, કહીને જ, કેમ છો ?, કોઇ મારી, ગઝલ, ગીત, ગુજરાતી ગઝલ, ચારે બાજુએ, છું જ નહીં, ઝણઝણવાનું, ઝાંઝરીની જેમ, પાસે આવીને, પૂછે કે, ભરત વિંઝુડા, ભીંતો ચણવાનું, મન થઇ જાય છે, યાદ...ફરિયાદ...!!!, રણકાર, સંબંધ...., સ્વરાંકન, હ્રદય, Gazal, gujarati, gujarati gazal, gujarati poem, gujarati poetry, gujarati shayri | 5 Comments »
દર્દિલા આ દિલના રુદન વિશે મારે કાંઈ નથી કહેવુ
હંમેશ દિલ મંહિ ગુંજતા આ ગુંજન વિશે મારે કાંઈ નથી કહેવુ
કે આ વાંચતા જ તમારા અશ્રુઓ સરી જ જવાના છે દોસ્તો
આ ‘અંકુર’ ને અગાઉ થી એના સર્જન વિશે કાંઈ નથી કહેવુ
– હસમુખ ધરોડ ‘અંકુર’
Filed under: ગુજરાતી શાયરી, હસમુખ ધરોડ 'અંકુર' | Tagged: DARD, DUKH, gujarati gazal, gujarati shayri, hasmukh_dharod-'ankur' | Leave a comment »
ક્યાંક ધોધમાર વરસાદ વરસી જાય છે,
ક્યાંક એક બુંદની તરસ રહી જાય છે,
કોઇને મળે છે હજાર બહાના પ્રેમમાં,
તો કોઇ એક ચહેરા માટે તરસી જાય છે…….
Filed under: ગુજરાતી શાયરી | Tagged: વરસાદી ગઝલ, હ્રદય, DARD, DUKH, gujarati gazal, gujarati shayri, shayri, varsadi gujarati gazal | 7 Comments »
કરે લાચાર જે મનને, ખપે એવા સહારા શું?
સફર તો છે ઘણી બાકી, તું શોધે છે કિનારા શું?
સજાવી આંખમાં સપનું કદી જીવન જીવી તો જો
પછી કળશે તને બંધુ, કે ડાહ્યા શું, દિવાના શું…
-હિમાંશુ ભટ્ટ
Filed under: ગુજરાતી શાયરી, હિમાંશુ ભટ્ટ | Tagged: gujarati shayri | 5 Comments »
આકળવિકળ આંખકાન વરસાદ ભીંજવે
હાલકડોલક ભાનસાન વરસાદ ભીંજવે
ચોમાસું નભ વચ્ચે લથબથ સોળ કળાએ ઉગ્યું રે વરસાદ ભીંજવે
અજવાળું ઝોકાર લોહીની પાંગત સુધી પૂગ્યું રે વરસાદ ભીંજવે
નહીં છાલક, નહીં છાંટા રે વરસાદ ભીંજવે
દરિયા ઉભા ફાટ્યા રે વરસાદ ભીંજવે
ઘરમાંથી તોતિંગ ઓરડા ફાળ મારતા છૂટ્યા રે વરસાદ ભીંજવે
ધૂળ લવકતા રસ્તા ખળખળ વળાંક ખાતા ખૂટ્યા રે વરસાદ ભીંજવે
પગના અંતરિયાળપણાને ફળિયામાં ધક્કેલો રે વરસાદ ભીંજવે
નેવાં નીચે ભડભડ બળતો જીવ પલળવા મેલો રે વરસાદ ભીંજવે
બંધ હોઠમાં સોળ વરસની કન્યા આળસ મરડે રે વરસાદ ભીંજવે
લીલોધમ્મર નાગ જીવને અનરાધારે કરડે રે વરસાદ ભીંજવે
અહીં આપણે બે અને વરસાદ ભીંજવે
મને ભીંજવે તું તને વરસાદ ભીંજવે
થરથર ભીંજે આંખકાન, વરસાદ ભીંજવે,
કોને કોનાં ભાનસાન, વરસાદ ભીંજવે.
– શ્રી રમેશ પારેખ
Filed under: ગુજરાતી શાયરી, રમેશ પારેખ | Tagged: વરસાદી ગઝલ, gujarati gazal, gujarati shayri, sahitya, shayri, varsadi gujarati gazal | 3 Comments »
"ગુજરાતી ગઝલ™" 