એવું કેમ છે ?

Posted on જાન્યુઆરી 26, 2011 by Swati

હમણાં કશું લખાતું નથી એવું કેમ છે ?
ખુદને મળી શકાતું નથી એવું કેમ છે ?

ઝાકળની જેમ ક્ષણમાં ઊડી જઈશ હું છતાં
એ ફૂલને અડાતું નથી એવું કેમ છે ?

રાખી શકું છું સૂર્યમુખી જેવી દૂરતા
ને તો ય ત્યાં ટકાતું નથી એવું કેમ છે ?

એની નજીક વર્ષો લગોલગ રહીને પણ
અંતર હજુ મપાતું નથી એવું કેમ છે ?

પાણીની જેમ સરકી જવું છે, ખબર છતાં
એની ગલી વળાતું નથી એવું કેમ છે ?

બસ આંસુ આંખમાંથી વહેતા મૂકી શકું
ના પૂછ કે હસાતું નથી એવું કેમ છે ?

– મેગી અસનાની

Filed under: કવિ/કવિયત્રી, ગઝલ, મેગી અસનાની | Tagged: ઊડી જઈશ હું છતાં, એવું કેમ છે ?, જેમ ક્ષણમાં, ઝાકળની, ફૂલને અડાતું, મેગી અસનાની, સૂર્યમુખી, Gazal, gujarati gazal, Megi Asnani |

« ગઝલ – રઈશ મણિયાર શિયાળે »

bharat vinzuda, on જાન્યુઆરી 26, 2011 at 5:54 પી એમ(pm) said:

Gazalvishva ma pragat thayeli sundar gazal….

Maulesh, on જાન્યુઆરી 26, 2011 at 7:20 પી એમ(pm) said:

Khub saras

zaheri shahabaz, on જાન્યુઆરી 29, 2011 at 8:37 પી એમ(pm) said:

super chhe….!!!!
super

hasmukh patel, on જાન્યુઆરી 31, 2011 at 10:48 પી એમ(pm) said:

gazal vanchi ne maza padi gai aevu kem chhe?

Raval jagdish M, on ફેબ્રુવારી 6, 2011 at 3:16 એ એમ (am) said:

જીવન માં તમારી જીદગી બનીને આવીશ
આખો માં તમારી સ્વપ્ન બનીને આવીશ
રાત માં તમારી રોશની બનીને આવીશ
દુઃખ માં તમારા સુખ બનીને આવીશ
દિલ માં તમારો પેમ ભનીને આવીશ