ટચલી આંગલડીનો નખ
લટમાં પરોવી હું તો બેઠી, સજન !
મુંને એકવાર કાગળ તો લખ
કૂંપળ ગોતું ને જડે ઝાકળનું ઝૂમખું,
વ્હાલમજી બોલ, એવા અંજળનું નામ શું ?
ચૂમી ચૂમીને કરી એંઠી, સજન !
હવે લૂછી દે પાંપણનાં દખ
છાતીમાં સૂનમૂન પાળ્યાં રે પારેવડાં,
પાતળિયા પૂછ, એના પડછાયા કેવડા ?
છાલક ના જાય જરી વેઠી, સજન !
હવે ઘોળી દે ઘૂઘવતાં વખ
– વિનોદ જોશી
Filed under: ગીત, વિનોદ જોશી | Tagged: ગીત, ઘૂઘવતાં, ટચલી આંગલડીનો નખ, પાતળિયા, પારેવડાં, મુંને એકવાર કાગળ તો લખ, લટમાં પરોવી હું તો બેઠી, વિનોદ જોશી, વ્હાલમજી, સજન, gujarati, gujarati gazal, kavita, sahitya | 1 Comment »
"ગુજરાતી ગઝલ™" 