જો તમે તમારી રચના અહી મુકવા માગતા હોવ તો મેલ કરો:
manthanbhavsar@gmail.com
swati.gadhia@gmail.com
|
Download Gujarati Songs
દર્દો સાંભળનારા હો તો ચારેબાજુ રાજીપો છે,
હોંકારો દેનારા હો તો ચારેબાજુ રાજીપો છે.
આવો, આવો એમ કહીને ઉમળકાથી દોડી આવે,
એવા જ્યાં ઉતારા હો તો ચારેબાજુ રાજીપો છે.
બોજ બીજાનો ઉપાડીને રાજી થઈ પોતાનો સમજે,
એવા પણ સધિયારા હો તો ચારેબાજુ રાજીપો છે.
પાડોશીનું સુખ જોઈને બાજુવાળા સૌ હરખાતાં,
સુખો જ્યાં મજિયારા હો તો ચારેબાજુ રાજીપો છે
પાંપણથી હો નીતરતાં ને કોમળતાનો હો સરવાળો,
વ્હાલપના ફુવારા હો તો ચારેબાજુ રાજીપો છે.
– શિવજી રૂખડા
Filed under: અનામી - UNKNOWN, કવિતા, ગીત, શિવજી રૂખડા | Leave a comment »
સોયના નાકાં લગીની વાત છે,
પાતળા ધાગા લગીની વાત છે.
જિંદગીનો વ્યાપ લાંબો કૈં નથી,
આજના છાપા લગીની વાત છે.
લ્યો, ઉદાસી કેમ રેઢી મેલવી,
કાયમી નાતા લગીની વાત છે.
હું નથી મારો ને જગ છે આપણું,
પંડના થાવા લગીની વાત છે.
આપણું ઘર આવશે, આગળ ચલો,
આપણા ઝાંપા લગીની વાત છે.
એક બાકસ એકલી સળગે નહીં,
આવ, આ દીવા લગીની વાત છે.
– શિવજી રૂખડા
Filed under: શિવજી રૂખડા | Tagged: આગળ, ઉદાસી, કાયમી, ઘર, છાપા, જિંદગી, થાવા, દીવા એકલી, ધાગા, નાતા, પંડના, પાતળા, બાકસ, લગીની, વાત છે, વ્યાપ લાંબો, શિવજી રૂખડા, સોયના નાકા | 1 Comment »
"ગુજરાતી ગઝલ™" 