માંગી નથી અમરતા, તું સો વરસનો થાજે!
આવ્યો છે યાદ કરતાં,તું સો વરસનો થાજે!
દેવોને પણ જે દુર્લભ, તે સાચવી બતાવી
સ્વભાવની સરળતા, તું સો વરસનો થાજે!
કોઈનું દુઃખ નિહાળી છોડી દીધાં સિંહાસન
આંખોના હે ફિરસ્તા, તું સો વરસનો થાજે!
કોઈને ખાલી હાથે કાઢ્યા નથી કદાપિ
ખેતર ભણીના રસ્તા, તું સો વરસનો થાજે!
સ્નેહી જીવે સત્તાવન અથવા જીવે સત્તાણુ
એની ગઝલના મક્તા,તું સો વરસનો થાજે!
– સ્નેહી પરમાર
Filed under: કવિ/કવિયત્રી |
"ગુજરાતી ગઝલ™" 
Leave a comment