તું ‘હા’ની વાત કર કે પછી ‘ના’ની વાત કર,
બન્ને હું સાંભળીશ ! પ્રથમ ચાની વાત કર !
જે સ્થાને કપ-રકાબીથી જીવતી છે જિંદગી!
બીજા બધાય સ્થળને મૂકી, ત્યાંની વાત કર !
હેઠે મૂકી દે ‘ઓહ’ અને ‘હાય-હાય’ તું !
ચાને લગાવ હોઠે ને આહા ! ની વાત કર.
પહેલેથી છેક છેલ્લે સુધી વર્ણવી મેં ચા !
એણે મને કહ્યું’તું કે જલસાની વાત કર !
દુનિયામાં બે જ વાત હું સાર્થક ગણું છું દોસ્ત !
કાં ચાની વાત કર કાં પછી ‘મા’ની વાત કર !
~ડૉ.મનોજ જોશી ‘મન’
(વિશ્વ ચા દિવસ નિમિત્તે)
Filed under: ડૉ. મનોજ જોશી |
"ગુજરાતી ગઝલ™" 
Leave a comment