કીડી સમી ક્ષણોની આ આવજાવ શું છે ?
મારું સ્વરૂપ શું છે, મારો સ્વભાવ શું છે ?
ઋતુઓના રંગ શું છે, ફૂલોની ગંધ શું છે ?
લગની, લગાવ, લહેરો આ હાવભાવ શું છે ?
લયને ખબર નથી કૈં, આકાર પણ અવાચક,
શું છે રમત પવનની, ડાળીનો દાવ શું છે ?
પર્વતને ઊંચકું પણ પાંપણ ન ઊંચકાતી,
આ ઘેન જેવું શું છે, આ કારી ઘાવ શું છે ?
પાણીની વચ્ચે પ્રજળે, કજળે કળી કળીમાં,
એનો ઇલાજ શું છે, આનો બચાવ શું છે ?
ચિંતા નથી કશી પણ નમણા નજૂમી કહી દે,
હમણાં હથેળી માંહે આ ધૂપછાંવ શું છે ?
ફંગોળી જાઉં શબ્દો ને મૌનને ફગાવું –
નીરખી શકું જો શું છે હોવું, અભાવ શું છે ?
હર શ્વાસ જ્યાં જઈને ઉચ્છવાસને મળે છે,
સ્થળ જેવુંયે નથી તો ઝળહળ પડાવ શું છે ?
– રાજેન્દ્ર શુક્લ
Filed under: ગઝલ, રાજેન્દ્ર શુક્લ | Tagged: આકાર પણ અવાચક, આવજાવ, કજળે, કવિ....!!!, કારી ઘાવ, કીડી સમી, ક્ષણોની, ગુજરાતી ગઝલ, ધૂપછાંવ, નમણા નજૂમી, પરિપ્રશ્ન – રાજેન્દ્ર શુક્લ, પ્રજળે, મિત્રો, રચના, રાજેન્દ્ર શુક્લ, લગની, લગાવ, લયને, લહેરો, શાયર, હાવભાવ, Gazal, geet, gujarati, gujaratigazal, kavi, kavita, shayri |
"ગુજરાતી ગઝલ™" 
maro blog name pareshmpatel.wordpress.com chhe. maro problem chhe ke mare mari post gu.wordpress.com ma mukvi chhe to mare post kevi rite mukvi te mane mara mail ma janavso.
Please
Thanking you.
gami khhob gami thanks swati.