અલ્યા, કાગળ પર ચીતરે છે મોર?
મોરને તો નાનકડું છોકરું યે ચીતરે
હો હિંમત તો ટહુકો તું દોર…
મારામાં રાખી અકબંધ મને ચોરે
તું એવો તે કેવો ઘરફોડું?
છતરીની જેમ મને ઓઢી લે આખી
ને પલળે છે તોય થોડું થોડું
પાણીથી ઠીક, જરા પલળી બતાવ મને
હોય જ્યારે કોરુંધાકોર…
મેલું આકાશ ખૂલે જડબાંની જેમ
જાણે ખાતું બગાસું કોઇ લાંબુ
વાદળાય આમ તો છે કાંઇ નથી બીજું
છે ઠળિયા વિનાના બે’ક જાંબુ
વાદળા કે જાંબુ તો ઢગલો તું ચોરે
જરા આખું આકાશ હવે ચોર…
– રવિન્દ્ર પારેખ
Filed under: કવિ/કવિયત્રી, કવિતા, ગીત, રવિન્દ્ર પારેખ | Tagged: અલ્યા, કાગળ પર, ચીતરે, ચીતરે છે મોર?, છોકરું, તો, નાનકડું, મોરને, રવિન્દ્ર પારેખ, હો હિંમત તો ટહુકો તું દોર |
"ગુજરાતી ગઝલ™" 
TAMARI WEB SITE KHUB J SUNDAR CHE
મઝાનું તાજગીભર્યું ગીત.
SARAS, SHRI RAVINDRA PAREKHNE ABHINADN,& THANKS