એક ચકી ને ચકો મુંઝાઈ ગયા છે.
ચોખા ને મગના બે દાણા હતા ને? હવે ચાંચમાંથી એ પણ છીનવાઈ ગયા છે.
કોમ્પ્યુટર, મોબાઈલ, ટીવી, છે સોંઘા પણ એની રંધાય નહીં ખીચડી
ચકી ને ચકાના જીવન પર ત્રાટકી છે મોંઘવારી નામે એક વીજળી,
ફાઈવસ્ટાર મોલના ફાલેલા જંગલમાં નાનકડા સપના ખોવાઈ ગયા છે,
એક ચકી ને ચકો મુંઝાઈ ગયા છે.
મીનરલ વૉટરથી તો સસ્તા છે આંસૂ, ને મીઠી પણ લાગશે રસોઈ,
ખાંડ માટે ટળવળતી કીડીની પાસે જઈ આટલું તો સમજાવો કોઈ,
લાગે છે શેરડીના આખ્ખાયે વાઢને લુચ્ચા શિયાળીયા ખાઈ ગયા છે.
એક ચકી ને ચકો મુંઝાઈ ગયા છે.
ચકી ને ચકો ક્યે જુઓ સાહેબ હવે બોલાતું કેમ નથી, ચીં ચીં?
એવું તે શું છે આ કંઠમાં તે લાગે છે મારે છે ડંખ જેમ વીંછી,
એક્સરેમાં જોઈ અને ડૉક્ટર બોલ્યા કે ઘણા ડૂમા ગળામાં અટવાઈ ગયા છે.
એક ચકી ને ચકો મુંઝાઈ ગયા છે.
– કૃષ્ણ દવે
Filed under: કવિ/કવિયત્રી, કૃષ્ણ દવે | Tagged: એક, કૃષ્ણ દવે, કેમ નથી, ક્યે, ખોવાઈ, ચકી ને ચકાના, ચકી ને ચકો, ચીં ચીં, ચોખા, જંગલમાં, જીવન પર, જુઓ સાહેબ, ત્રાટકી છે, નાનકડા, ને મગના, ફાઈવસ્ટાર, ફાલેલા, બે દાણા, મુંઝાઈ ગયા, મોંઘવારી, મોલના, વીજળી, સપના, હતા ને, હવે ચાંચમાંથી એ પણ છીનવાઈ ગયા છે., હવે બોલાતું |
"ગુજરાતી ગઝલ™" 
Nice Poem on Monghvaari…We are enjoying Krushna’s poem reciting in UK.
Udaas chehra par smit lave tevi kavita chhe. Sundar rajuat saral bhasha maa, kehvu padse su vaat chhe!!!
mongvaari sau par gaee chee vaari…vaat vepat ne chee bharee kavi shree“ krushna“ abhinandan………chake ane chaka ne asvasan….riyaz na joy jeevan.
it s true…….
BAU J SUPERB 6
MIND BLOING
અત્યારની પ્રતિકુળ પરિસ્થિતિ ને અનુકુળ રીતે વર્ણવી છે.સરસ….