છાતીમાં મારી સેંકડો ઈચ્છાની નાવ છે,
ને આંખ સામે ખાલી થયેલું તળાવ છે.
શબ્દોને કોઈ બાનમાં પકડી ગયું કે શું!
જાસો મળ્યો પછીનો નગરમાં તનાવ છે.
લોહી પૂર્યાની વાત સિફતથી ભૂલી જઈ,
સહુ ચિત્ર જોઈ બોલ્યા ગજબનો ઉઠાવ છે.
આ કાચબાપણાનું હવે શું થશે કહો!
ઝડપી હવાની ચારે તરફ આવજાવ છે.
સાહેદી અંધકારની એમાં જરૂર ક્યાં?
સૂરજની હાજરીમા બનેલો બનાવ છે.
થઈ ધાડપાડુ ત્રાટકે ‘સાહિલ’ ભલે સમય-
ટહુકા ઉછેરવાનો અમારો સ્વભાવ છે.
– સાહિલ
Filed under: સાહિલ | Tagged: સાહિલ, gujarati gazal, gujarati poem, gujarati poetry, gujarati shayri, Sahil |
"ગુજરાતી ગઝલ™" 
લોહી પૂર્યાની વાત સિફતથી ભૂલી જઈ,
સહુ ચિત્ર જોઈ બોલ્યા ગજબનો ઉઠાવ છે.
સુંદર શબ્દો છે.
સહુ સમજે કે ઉતાવળ મને મરવાની છે,
આજ તો છેલ્લો તને મળવાનો લગાવ છે.
Lovely creation….mind blowing..
છાતીમાં મારી સેંકડો ઈચ્છાની નાવ છે,
ને આંખ સામે ખાલી થયેલું તળાવ છે.
PLEASE REFINE THIS SHER . સેંકડો CAN NOT BE
TREATED AS GAA LA LA. IT CAN BE USED ONLY
AS GAA LA GAA.
Excellent, it is very nice and touch to heart
Thanks for sending me this poet
Khub Saras Chhe
Avu ne Avu kaink Mokalta Rehsho