એક ભૂરા આકાશની આશા ફૂટી
મને ડાળખીને પંખીની ભાષા ફૂટી
ચાંદનીના ખોળામાં સૂરજનો તડકો
ને ફૂલની હથેળીમાં તારો ;
સાગરના સ્કંધ ઉપર પારેવું થઈ
ઘૂઘવે પવન : વણજારો.
જાણે માછલીને જળની પિપાસા ફૂટી
મને ડાળખીને પંખીની ભાષા ફૂટી.
ખીલતી આ કળીઓની કુંવારી કૂખમાં
પોઢ્યાં પતંગિયાનાં ફૂલ ;
આંખો જુએ તેને હૈયું ને હોઠ કહે :
અમને તો બધ્ધું કબૂલ .
મારી સઘળી દિશાને તલાશા ફૂટી
મને ડાળખીને પંખીની ભાષા ફૂટી
– સુરેશ દલાલ
Filed under: કવિતા, ગીત, સુરેશ દલાલ | Tagged: સુરેશ દલાલ, download gujarati gazal, download gujarati songs, e-book in gujarati, gujarati gazal, gujarati gazal vishwa, gujarati poem, gujarati Poetry world, gujarati sahitya, gujarati shayari, kavita, poetry, suresh dalal |
"ગુજરાતી ગઝલ™" 
kalio ne kuvari kunkh ni upma vishe vicharvu etle tame antar mathi sabdo sodhela 6e
આંખો જુએ તેને હૈયું ને હોઠ કહે :
અમને તો બધ્ધું કબૂલ .